పట్టు పీతాంబర చీరలంటే ఇవే... ఒరిజినల్ బంగారం, వెండి పోగులతో తయారీ
సిరిసిల్ల అనగానే మనందరికీ గుర్తుకు వచ్చేది చేనేత కళాకారులు.. అయితే వారి కళా నైపుణ్యంతోనే సిరిసిల్లకు పేరు ప్రఖ్యాతులు వచ్చాయంటే అతిశక్తి కాదేమో..! పద్మశాలీల పేరు మీదుగానే సిరిసిల్లగా పేరు మారిందని చెబుతుంటారు ఈ ప్రాంత వాస్తవ్యులు. దానికి తగ్గట్టుగానే వారి కళా నైపుణ్యం అంతా ఇంతా కాదు. అనునిత్యం వారి కళా నైపుణ్యం.. కళారూపాలతో టాలెంట్ తో అందరిని మెప్పిస్తూ.. వార్తల్లో నిలుస్తున్నారు. రాజన్న సిరిసిల్ల జిల్లా సిరిసిల్ల పట్టణానికి చెందిన చేనేత కళాకారుడు హరిప్రసాద్ 20 రోజులపాటు శ్రమించి చేనేత మగ్గంపై ఈ అద్భుతమైన చీరలను తయారు చేశాడు. అసలు ఈ చీరలు ఎన్ని రోజులపాటు క్షమించి తయారు చేశాడు ఇందులో ఏమేమి ఉపయోగించాడు.. ఈ చీరల ధరలు ఎంత అనే అంశాల పూర్తి వివరాలు లోకల్18 ప్రత్యేక కథనం మీకోసం అందిస్తోంది. ఈ పట్టు పీతాంబర చీరలను ఒక్కో దాన్ని తయారు చేసేందుకు 20 రోజుల పాటు సమయం పట్టిందని,వీటిలో సిల్వర్ పోగులు,మరికొన్ని చీరల్లో మాత్రం బంగారం,పట్టు పోగులను సైతం ఉపయోగించినట్లు సిరిసిల్ల చేనేత కళాకారుడు యేల్ది హరిప్రసాద్ తెలిపారు. ఆర్డర్లను బట్టి ఈ చీరలను.. కస్టమర్ల అభిరుచికి అనుగుణంగా వారిచ్చిన సమయాన్నికూలంగా సమయపాలన పాటిస్తూ సరైన సమయంలో నాణ్యమైన చేనేత మగ్గంపై తయారుచేసిన చీరలను తయారుచేసి ఇస్తున్నామని, వీటి ధర రూ.36500/- అని తెలిపారు హరిప్రసాద్. ఈ చీర వివరాలు చూస్తే చీర బరువు 700 గ్రాములు కాగా, చీర వెడల్పు 48 ఇంచులు. పొడవు 5.5 మీటర్ల 80 సెంటీమీటర్లు, బ్లౌస్‌తో కలిపి 6.30 మీటర్ల పొడవు ఉంటుంది. వెండి పితాంబరం చీర అని దీని ధర రూ.36,500/- తీసుకుంటున్నట్లు హరిప్రసాద్ చెబుతున్నారు. 20 రోజుల పాటు శ్రమించి ఒక్కో చీరను తయారు చేసినట్లు పేర్కొన్నారు. మీ వివాహాది శుభకార్యాలకు గాని.. ఎవరికైనా గిఫ్ట్ ఇవ్వాలన్న సకాలంలో మీ అభివృద్ధికి అభిష్టానికి అనుగుణంగా సరైన సమయంలో తయారు చేసి ఇస్తామని వారు చెబుతున్నారు. సెల్:+91 94400 49734(హరిప్రసాద్) ఈ పీతాంబరం చీరలు నవాబుల కాలం నుండి ప్రాచుర్యంలో ఉన్నాయని,పూర్వకాలం రాజులు నవాబుల మహిళలు ఈ చీరలను ఎంతో ఇష్టంగా.. హోదాకు ప్రతిబింబించే విధంగా ఈ పీతాంబర పట్టు చీరలు గుర్తులుగా ఉండేవని పేర్కొన్నారు. మేము గత మూడు సంవత్సరాలుగా రాజన్న సిరిసిల్ల జిల్లాలో చేనేత మగ్గంపై ఈ చీరలు నేస్తున్నామని తెలిపారు. పదవ తరగతి వరకు చదువుకొని గత 17 సంవత్సరాలుగా కులవృత్తి అయినటువంటి చేనేత కళా నైపుణ్యాన్ని,వృత్తిని నమ్ముకుని కుటుంబాన్ని పోషిస్తున్నానని లోకల్18కి వివరించారు.
2024-07-04T12:59:28Z
బేబీకార్న్‌ కుర్‌కురే
ఎనిమిది, శనగపిండి: రెండు టేబుల్‌ స్పూన్లు, బియ్యపు పిండి/కార్న్‌ఫ్లోర్‌: రెండు టేబుల్‌ స్పూన్లు, కారం: రెండు టీస్పూన్లు, పసుపు, ధనియాల పొడి, అల్లం వెల్లుల్లి పేస్ట్‌: ఒక టీస్పూన్‌ చొప్పున, గరంమసాలా: అర టీస్పూన్‌, వేయించిన జీలకర్ర పొడి: అర టీస్పూన్‌, ఉప్పు: తగినంత, నూనె: వేయించడానికి సరిపడా.
2024-07-04T19:12:28Z
వర్షాకాలంలో ఈ చిట్కాలు పాటిస్తే ఈగలు పరార్.. ఇంట్లోకి రమ్మన్నా రావు..
వర్షాకాలంలో వాతావరణం తేమగా, చిత్తడిగా ఉంటుంది. ఈ వెదర్‌ కండిషన్స్‌ ఈగలు, దోమలు, కీటకాలు వృద్ధి చెందడానికి అనుకూలంగా ఉంటాయి. వీటి కారణంగా అనేక రకాల బ్యాక్టీరియల్ ఇన్‌ఫెక్షన్స్, వైరల్ వ్యాధుల ముప్పు పెరుగుతుంది. అయితే ఇలాంటి కీటకాల నుంచి రక్షించుకోవడానికి కొన్ని జాగ్రత్తలు తీసుకోవాలి. ఇందుకు 5 టిప్స్ బాగా పనిచేస్తాయి. అవేంటంటే.. పరిశుభ్రతవర్షాకాలంలో ఇళ్లను శుభ్రంగా ఉంచుకోవాలి. ఎందుకంటే ఈ సమయంలో ఈగలు, ఇతర కీటకాలు ఎక్కువగా వస్తాయి. ఈగలు తేమ, చెత్త, ఆహారపు వైపు ఆకర్షితమవుతాయి. చెత్త మీద వాలిన ఈగలు ఆహారాలపై వాలడం వల్ల వివిధ రకాల ఆరోగ్య సమస్యలు రావచ్చు. అందుకే హౌస్ క్లీన్‌గా ఉంచుకోవాలి. ఆహార పదార్థాలను చక్కగా స్టోర్ చేసుకోవాలి. ఇంట్లో ఎలాంటి తేమ, చెత్త లేకుండా చూసుకోవాలి. ఎంట్రన్స్ మూసేయడంఈగలు, కీటకాలు ఇంటిలోకి ప్రవేశించకుండా, ఎంట్రీ పాయింట్స్ గుర్తించి క్లోజ్ చేసుకోవాలి. చిన్న క్రాక్స్, గ్యాప్స్‌ నుంచి కూడా కీటకాలు ఇంట్లోకి రావచ్చు, కాబట్టి వాటిని కూడా క్లోజ్ చేయాలి. తలుపులు, కిటికీలు, ఎయిర్ వెంటిలేషన్ ఓపెనింగ్స్‌పై సన్నని జాలీలను అమర్చాలి. ఇంటి చుట్టూ ఉన్న ఖాళీలను సిలికాన్ సీలెంట్ లేదా ఇతర సీలింగ్ పదార్థాలతో మూసివేయాలి. నేచురల్ రిపెల్లెంట్స్ఇంట్లోకి ఈగలు, దోమలు, బొద్దింకలు రాకుండా సహజ కీటక నాశకాలను (Natural Repellents) వాడాలి. ఇందుకు విషపూరిత రసాయనాలను యూజ్ చేయకూడదు. కీటకాలను తిప్పికొట్టే సామర్థ్యం వేపనూనె సొంతం. నీమ్ ఆయిల్‌ను నీటిలో కలిపి కిటికీలు, తలుపులు, ఇతర ప్రాంతాల దగ్గర స్ప్రే చేయాలి. ఈగలు, దోమలు ఎక్కువగా కనిపించే ప్రదేశాలలో నిమ్మకాయ ముక్కలు, లవంగాలు కలిపి ఉంచినా ఫలితం ఉంటుంది. పుదీనా, లావెండర్, యూకలిప్టస్ వంటి ఎసెన్షియల్ ఆయిల్స్ కూడా కీటకాలను దూరంగా ఉంచగలవు. క్లీనింగ్ఇంటి బయట ఎంత చెత్తగా ఉంటే ఇంట్లోకి అంత ఎక్కువగా ఈగలు దోమలు రావచ్చు. అందుకే ఇంటి ముందు, వెనుక, చుట్టుపక్కల ఉన్న ప్రాంతాలను క్లీన్ చేసుకోవాలి. ఏదైనా పాత్రలలో లేదంటే గుంతలలో నీరు నిలిచి ఉంటే వాటిని తొలగించాలి. లేదంటే ఈ నీటిలో దోమలు పెరుగుతాయి. పూల కుండీలు, ఖాళీ డబ్బాలు, రెయిన్ వాటర్ స్టోర్ అయ్యే ఇతర వస్తువులను ఖాళీ చేయాలి. ఈ సీజన్లో తెల్లటి బయటి లైట్లకు బదులుగా పసుపు లైట్లను వాడండి. పసుపు లైట్లు తక్కువ కీటకాలను ఆకర్షిస్తాయి, అందువల్ల బయటి కీటకాలు ఇంట్లోకి ప్రవేశించే అవకాశం ఉండదు. ఫ్లై ట్రాప్స్‌ఇంట్లో ఈగలు, ఇతర కీటకాలను పట్టుకోవడానికి, తొలగించడానికి ఫ్లై ట్రాప్స్‌ (Fly Traps) వాడాలి. వీటిని ఇంట్లోనే తయారు చేసుకోవచ్చు. ఒక జాడీలో కొద్దిగా యాపిల్ సైడర్ వెనిగర్, డిష్ సోప్ కలపాలి. వెనిగర్ ఈగలను ఆకర్షిస్తుంది, కానీ సోప్ సర్‌ఫేస్ టెన్షన్‌ను నాశనం చేస్తుంది. ఫలితంగా ఈగలు ఈ లిక్విడ్‌లో మునిగి చనిపోతాయి. (Disclaimer: ఈ ఆర్టికల్ లో అందించిన సమాచారం సాధారణ అంచనాల ఆధారంగా రూపొందించబడింది. news18 Telugu ఇదే విషయాన్ని ధృవీకరించలేదు. దయచేసి వాటిని అమలు చేయడానికి ముందు సంబంధిత నిపుణులను సంప్రదించండి)
2024-07-03T02:23:38Z
కళ్లు ఎన్ని రంగులు ఉంటాయో తెలుసా.. ఏవి ఆకర్షణీయంగా ఉంటాయంటే..!
మనుసులో ఉన్నది కళ్లలో కనిపిస్తుందని అంటుంటారు. మనలోని భావాల్ని కళ్లు ప్రదర్శిస్తాయనడంలో ఎలాంటి సందేహం లేదు. అంతేనా మనలో ఆకర్షణీయంగా కనిపించే భాగాల్లో కళ్లు మొదటి స్థానంలో ఉంటాయి. అయితే ప్రపంచంలో కేవలం నలుపు రంగు, నీలికళ్లే కాదు.. ఇంకా చాలా రంగుల కళ్లు ఉన్నాయంట. ప్రపంచవ్యాప్తంగా అత్యధిక మంది కనుపాపలు నలుపు రంగులో ఉంటాయి. నిజానికి అది నలుపు కాదు.. గోధుమ రంగు. మెలనిన్‌ అనే వర్ణద్రవ్యం ఎక్కువగా ఉన్నవాళ్ల కళ్లు నలుపుగా కనిపిస్తాయి. దాదాపు 70 నుంచి 79 శాతం ప్రజలకు ఈ గోధుమ రంగు కళ్లే ఉన్నాయి. ఆఫ్రికా, తూర్పు ఆసియా, ఆగ్నేయాసియా వాసులకు ముదురు గోధుమ రంగు కళ్లు.. దక్షిణాసియా, అమెరికా, యూరప్‌ ప్రజలకు లేత గోధుమ రంగు కళ్లు ఎక్కువగా ఉంటాయట. ప్రపంచంలో 8 నుంచి 10 శాతం మందికి నీలిరంగు కళ్లు ఉంటాయి. యూరప్‌లో అందులో ముఖ్యంగా స్కాండినేవియాలో వీళ్లు అధికం. కొన్ని వేల సంవత్సరాల కిందట అందరికీ గోధుమ రంగు కళ్లే ఉండేవట. ఆ తర్వాత మనుషుల జన్యువుల్లో మార్పులు వచ్చి, కనుపాప రంగు మారింది. కనుపాప రంగు పాక్షికంగా తల్లిదండ్రుల జన్యువు నుంచి వస్తుందని నిపుణులు చెబుతున్నారు. నీలిరంగు కళ్లున్న వ్యక్తులు చీకటిలోనూ చూడగలరట. అయితే పగటి పూట సూర్యకాంతిని తట్టుకోలేరని నిపుణులు చెబుతున్నారు. ఆకుపచ్చ, నారింజ, బంగారు వర్ణాల కలయికతో లేత గోధుమ రంగు ఉంటుంది. ఇలాంటి కళ్లున్నవారు ప్రపంచవ్యాప్తంగా 5 శాతం మంది ఉన్నారు. ఉత్తర ఆఫ్రికా, మధ్యప్రాచ్య దేశాలు, బ్రెజిల్‌, స్పానిష్‌ ప్రజలకు ఈ రంగు కళ్లు ఎక్కువగా ఉంటాయట. పిల్లులకు ఉండే బూడిదరంగు కళ్లు ప్రపంచంలో 3 శాతం మనుషులకు ఉంటాయి. కనుపాప రంగుకు కారణమయ్యే మెలనిన్‌ అనే వర్ణద్రవ్యం తక్కువ మొత్తం ఉండటం, కంటిలోని స్ట్రోమా భాగంలో కొలాజిన్‌ ప్రొటీన్ ఎక్కువగా ఉండటంతో కనుపాప నీలిరంగులోకి మారకుండా అడ్డంకి ఏర్పడుతుందట. ఫలితంగా కనుపాప బూడిద రంగులో కనిపిస్తుందని నిపుణులు చెబుతున్నారు. ఈ రంగు కళ్లున్నవాళ్లు ఎక్కువగా ఉత్తర, తూర్పు యూరప్‌లో ఉంటారు. ప్రపంచ జనాభాలో 2శాతం మంది కళ్లు ఆకుపచ్చ రంగులో ఉంటాయి. ఉత్తర, మధ్య, పశ్చిమ యూరప్‌లో ఆకుపచ్చ కళ్లు ఉన్న వ్యక్తులు ఎక్కువ. వీరిలో 16 శాతం సెల్టిక్‌, జర్మన్ల వారసులై ఉంటారని అంచనా. ఐర్లాండ్‌, స్కాట్లాండ్‌లో 86 శాతం మంది నీలి, ఆకుపచ్చ రంగు కళ్లున్నవారు ఉన్నారు.
2024-07-04T10:59:00Z
Money Astrology: ఈ రాశి కలిగిన వ్యాపారులకు కష్టకాలం..!
Money Astrology (ధన జ్యోతిషం): (Bhoomika Kalam: భూమిక కలాం, అంతర్జాతీయ జ్యోతిష, టారో కార్డ్ నిపుణులు, ఆస్ట్రోభూమి ఫౌండర్, గ్లోబల్ పీస్ అవార్డు గ్రహీత) జ్యోతిష్యులు గ్రహాలు, నక్షత్రాల గమనం ఆధారంగా రాశి ఫలాలు, ధన జ్యోతిష్యం ఫలితాలు చెబుతారు. జూన్ 28వ తేదీ, శుక్రవారం నాటి ధన జ్యోతిష్యం ఫలితాలు ఎలా ఉన్నాయో పరిశీలించండి. మేషం (Aries):ఆర్థిక విషయాలలో జాగ్రత్త అవసరం. ఎవరికైనా డబ్బు ఇవ్వడం, తీసుకోవడం వంటి పనులు మానుకోండి. పెట్టుబడి పేరుతో మోసం జరగవచ్చు. ఆఫీసులో ఎలాంటి క్లిష్ట సమస్య వచ్చినా పరిష్కరించుకుంటారు. పెద్దల సలహాలు తీసుకోవడం మంచిది.పరిహారం: సూర్యునికి నీటిని సమర్పించండి. వృషభం (Taurus):వ్యాపార సంబంధిత సమస్యలు పరిష్కారమవుతాయి. ఆఫీసులో ప్రత్యర్థులను ఓడిస్తారు. అధికారులతో సంబంధాలు మెరుగుపడతాయి. వాహనం భూమి లేదా ఏదైనా విలువైన వస్తువును కొనుగోలు చేయడానికి ఒక ప్రణాళికను రూపొందించవచ్చు. ఈరోజు పెట్టుబడి పెట్టడం మంచిది.పరిహారం:ఆంజనేయ స్వామి గుడిలో జెండా సమర్పించండి. మిథునం (Gemini):ఈరోజు ఇతరుల మనోభావాలను గుర్తించి పని చేయడం మంచిది. ఆఫీస్‌లో టీమ్‌వర్క్‌తో మాత్రమే కష్టమైన సమస్యను పరిష్కరించగలుగుతారు. వ్యాపారులకు కష్టకాలం ఉంటుంది. మీ డబ్బు చిక్కుకుపోవచ్చు. ఫ్యూచర్ ప్లాన్స్ ఇప్పుడే వేసుకోండి.పరిహారం:సాయంత్రం వేళ రావి చెట్టు కింద దీపం వెలిగించండి. కర్కాటకం (Cancer):ఆఫీస్‌లో మిమ్మల్ని మీరు నిరూపించుకోవడానికి ఈరోజు చాలా అవకాశాలను ఇస్తుంది. ప్రస్తుతానికి ఆ అవకాశాలను గుర్తించడం, వాటిపై చర్య తీసుకోవడం మీ బాధ్యత. ఏదైనా తెలియని వ్యక్తితో ఒప్పందం చేసుకునే ముందు వ్యాపారులు పూర్తిగా ఎంక్వైరీ చేయాలి.పరిహారం:చీమలకు పిండి ఆహారంగా వేయండి. సింహం (Leo):ఈ రోజు మీకు సంతోషకరమైన రోజు అవుతుంది. వ్యాపారంలో ఎవరి సలహా అయినా తీసుకోవలసి రావచ్చు. కొత్త ఉద్యోగంలో చట్టపరమైన అంశాలను చూడండి. వివాదంలో విజయం మీదే అవుతుంది. భూ ఒప్పందాలలో జాగ్రత్తగా ఉండండి, జాగ్రత్తగా డ్రైవ్ చేయండి.పరిహారం:ఆవుకు పచ్చి గడ్డిని తినిపించండి. కన్య (Virgo):ఆఫీస్‌లో పని భారం ఎక్కువగా ఉంటుంది. చాలా బాధ్యతలు మీపై ఉంటాయి. వ్యాపారస్తుల దీర్ఘకాలంగా పెండింగ్‌లో ఉన్న పనులు పూర్తవుతాయి. వ్యాపారంలో రిస్క్ తీసుకోకుండా జాగ్రత్తగా ఉండండి. పెట్టుబడి పెట్టే ముందు అవసరమైన డాక్యుమెంట్లను జాగ్రత్తగా చదవండి.పరిహారం:చిన్నారులకు స్వీట్లు ఇవ్వండి.. తుల (Libra):ఈరోజు మీ పాత అప్పులను తిరిగి చెల్లిస్తారు, ఈ విషయంలో విజయం సాధించగలరు. నిత్యావసర వస్తువుల కొనుగోలుకు వెళ్లాల్సి రావచ్చు. ప్రస్తుతానికి మీ బడ్జెట్ చెక్ చేసుకోండి. బడ్జెట్ ప్లాన్ చెడిపోవచ్చు. ప్రస్తుతానికి, ప్రజలు మీ అసలు ఆలోచనలను ఇష్టపడతారు.పరిహారం:హనుమంతుడిని పూజించండి. వృశ్చికం (Scorpio):ఆఫీసు పనుల్లో బిజీగా ఉంటారు. ఈరోజు చేసే పనుల వల్ల భవిష్యత్తులో ఆర్థిక ప్రయోజనం ఉంటుంది. పొదుపు ప్రకారం అప్పు తీసుకునే ప్రవర్తన ఉండాలి. వ్యాపారులకు ఈ రోజు బాగానే ఉంటుంది. లాభదాయకమైన ఒప్పందం లభిస్తుంది.పరిహారం:చేపలకు ఆహారం ఇవ్వండి. ధనస్సు (Sagittarius):ఈ రోజు మీకు ఆఫీస్‌లో కొన్ని కొత్త బాధ్యతలు ఇస్తారు. ఈ రోజు మీరు సృజనాత్మక పనిలో బిజీగా ఉంటారు. వ్యాపారులకు రోజు సాధారణంగా ఉంటుంది. నిరుద్యోగులకు కొత్త ఉద్యోగావకాశాలు లభిస్తాయి.పరిహారం:: పేదలకు ఆహారం పెట్టండి. మకరం (Capricorn):ఈ రోజు మీరు మీలో కొత్త శక్తిని ఎంజాయ్ చేస్తారు. ప్రేమ వ్యవహారంలో మీరు చాలా ఉత్సాహంగా ఉంటారు. ఆఫీసులో మీ ప్రమోషన్ లేదా జీతం పెంచడం గురించి చర్చ జరుగుతోంది. మీ అతి ఉత్సాహాన్ని నియంత్రించుకోండి.పరిహారం:రామరక్షా స్తోత్రాన్ని పఠించండి. కుంభం (Aquarius):ఈరోజు ధనలాభం పొందే అవకాశం ఉంది. ఆఫీస్‌లో అధికారులతో మంచి సంబంధాలు ఉంటాయి. ఉద్యోగాలు మారాలనుకునే వారికి కొత్త అవకాశాలు లభిస్తాయి. పరిశ్రమ వర్గాలకు ఇది సాధారణ రోజు, కొత్త ఒప్పందాలు జరగవు.పరిహారం:ఆహారంలో నల్ల మిరియాలు వాడండి. మీనం (Pisces):ఈ రోజు మీరు చాలా సంతోషంగా ఉంటారు. ప్రత్యర్థి విమర్శలను ఏమాత్రం పట్టించుకోవద్దు. మీ పని చేస్తూ ఉండండి. విజయం తప్పకుండా ఏదో ఒకరోజు మీ పాదాలను ముద్దాడుతుంది. మీ సోషల్ సర్కిల్‌లో మ్యూచువల్ ఇంటరాక్షన్ పెంచుకుంటారు, మీ గౌరవం పెరగవచ్చు.పరిహారం: శ్రీ కృష్ణుని గుడిలో నెమలి ఈకను సమర్పించండి. Disclaimer:ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-07-04T22:15:40Z
Horoscope: ఈ రాశుల వారు ఆరోగ్యం విషయంలో జాగ్రత్తగా ఉండడం మంచిది
Horoscope Today: జ్యోతిష్యశాస్త్రం ప్రకారం.. రాశిఫలాలకు అధిక ప్రాధాన్యత ఉంటుంది. నక్షత్రాల గమనం ఆధారంగా వాటిని జ్యోతిష్య నిపుణులు అంచనా వేస్తుంటారు. మరి నేడు జులై 5శుక్రవారం నాడు, మేషం నుంచి మీనం వరకు ఏయే రాశులకు దినఫలాలు ఎలా ఉన్నాయో చూద్దాం. మేషం (Aries): (అశ్విని, భరణి, కృత్తిక 1)ఆదాయం పెరగడానికి సంబంధించిన ప్రయత్నాలు విజయవంతం అవుతాయి. ఆర్థికసమస్యలు చాలావరకు తగ్గుతాయి. ఆరోగ్యం నిలకడగా సాగిపోతుంది. రావలసిన డబ్బుచేతికి అందుతుంది. వృత్తి, వ్యాపారాల్లో ఆర్థిక సమస్యల నుంచి ఊరటలభిస్తుంది. ఆధ్యాత్మిక చింతన పెరుగుతుంది. చిన్ననాటి మిత్రులతో ఎంజాయ్చేస్తారు. కుటుంబంలో అనుకూల వాతావరణం ఉంటుంది. మంచి పరిచయాలు ఏర్పడతాయి.కొందరు బంధుమిత్రుల వల్ల ఆర్థికంగా నష్టపోయే అవకాశం ఉంది. వృషభం(Taurus):(కృత్తిక 2,3,4, రోహిణి, మృగశిర 1,2) వృత్తి, ఉద్యోగాలు సానుకూలంగా సాగిపోతాయి. అధికారులతో అనుకూలతలుపెరుగుతాయి. ఏ ప్రయత్నం తలపెట్టినా సఫలం అవుతుంది. కొద్దిపాటివ్యయప్రయాసలతో ముఖ్యమైన పనులు, వ్యవహారాలను పూర్తి చేస్తారు. అనేకమార్గాల్లో ఆదాయం పెరుగుతుంది కానీ, ఖర్చులు తగ్గించు కోవడం మంచిది.ప్రభుత్వం నుంచి గుర్తింపు, గౌరవాలు లభిస్తాయి. బంధువులతో వివాదాలుసమసిపోతాయి. వ్యాపారాలు పరవాలేదనిపిస్తాయి. దాంపత్య జీవితంలో అన్యోన్యతపెరుగుతుంది... మిథునం (Gemini): (మృగశిర 3,4, ఆర్ద్ర, పునర్వసు 1,2,3) కుటుంబపరంగా ఒకటి రెండు శుభవార్తలు వింటారు. పెళ్లి ప్రయత్నాలు సఫలంఅయ్యే అవకాశం ఉంది. ఉద్యోగ ప్రయత్నం విషయంలో అనుకోకుండా ఒక కీలక సమాచారం అందుతుంది. వృత్తి, వ్యాపారాల్లో ఆర్థిక సంబంధమైన ఒత్తిడి తగ్గే అవకాశంఉంది. ఆశించిన స్థాయిలో ఆదాయం పెరు గుతుంది. బంధుమిత్రులకు ఆర్థికంగాసహాయపడతారు. చిన్ననాటి మిత్రులను కలుసుకుం టారు. వ్యక్తిగత సమస్యల నుంచికొద్దిగా ఉపశమనం లభిస్తుంది. బాకీలు వసూలు అవుతాయి. కర్కాటకం (Cancer):(పునర్వసు 4, పుష్యమి, ఆశ్లేష)ఒకటి రెండు విషయాల్లో విజయాలు సాధిస్తారు. అనుకోకుండా ఓ ముఖ్యమైనవ్యక్తిగత సమస్య పరిష్కారం అవుతుంది. ఆరోగ్యం విషయంలో జాగ్రత్తగా ఉండడంమంచిది. వృత్తి, వ్యాపారాల్లో శ్రమాధిక్యత ఉంటుంది. రాబడి నిలకడగాసాగిపోతుంది. కొద్దిపాటి ఆదాయ వృద్ధికి అవకాశం ఉంది. ఇంటా బయటా బాధ్యతలుపెరుగుతాయి. ఉద్యోగంలో అధికారులతో ఇబ్బందులుంటాయి. బంధుమిత్రులతో రోజంతాసరదాగా సాగిపోతుంది. కుటుంబ జీవితం ఉత్సాహంగా గడిచిపోతుంది.. సింహం(Leo):(మఖ, పుబ్బ, ఉత్తర 1)ఉద్యోగంలో కొన్ని సానుకూల మార్పులు చోటు చేసుకుంటాయి. ఇతరుల విషయాల్లోజోక్యం చేసుకోవద్దు. వృత్తి, వ్యాపారాలు లాభాల్లో ఘన విజయాలు సాధిస్తాయి.కొత్త ప్రయత్నాలు మొదలుపెట్టే అవకాశం ఉంది. ఆధ్యాత్మిక కార్యక్రమాల్లోపాల్గొంటారు. ముఖ్యమైన వ్యవహారాలను పూర్తి చేయడంలో కుటుంబ సభ్యుల సహాయంలభిస్తుంది. బంధుమిత్రులతో అపార్థాలు తలెత్తు తాయి. జీవిత భాగస్వామినిసంప్రదించి నిర్ణయాలు తీసుకోవడం మంచిది. ఆరోగ్యానికి లోటుం డదు.. కన్య (Virgo):(ఉత్తర 2,3,4. హస్త, చిత్త 1,2)ఉద్యోగంలో బాధ్యతల మార్పు జరిగే అవకాశం ఉంది. ఇంటా బయటా అనుకూలతలుఉంటాయి. అనుకున్న పనులు అనుకున్నట్టు పూర్తవుతాయి. ఆర్థికంగా ఆశించినపురోగతి సాధిస్తారు. ఆస్తి సమస్యల నుంచి చాలావరకు బయటపడతారు.వ్యాపారాల్లో కొత్త కార్యక్రమాలు చేపట్టి లాభాలు అందుకుంటారు. మంచిపరిచయాలు ఏర్పడతాయి. నిరుద్యోగుల ప్రయత్నాలు సఫలం అయ్యే అవకాశం ఉంది.అందరికీ మేలు జరిగే పనులు చేస్తారు. ఆరోగ్యం చాలావరకు బాగానే ఉంటుంది. తుల (Libra):(చిత్త 3,4, స్వాతి, విశాఖ 1,2,3)వృత్తి, వ్యాపారాల్లో ఒకటి రెండు ఆర్థిక సమస్యలున్నా అధిగమిస్తారు. రాబడిక్రమంగా పెరుగు తుందే తప్ప తగ్గే అవకాశం లేదు. ఉద్యోగుల శక్తిసామర్థ్యాలకు ఆశించిన గుర్తింపు లభిస్తుంది. అధికారుల నుంచి ఆదరణపెరుగుతుంది. ఇష్టమైన మిత్రులతో ఎంజాయ్ చేస్తారు. దైవ కార్యాల్లోపాల్గొంటారు. జీవిత భాగస్వామితో కలిసి వస్త్రాభరణాలు కొనుగోలు చేస్తారు.ఆహార, విహారాల్లో ఎంత జాగ్రత్తగా ఉంటే అంత మంచిది. కుటుంబ జీవితంఅన్యోన్యంగా, సామరస్యంగా సాగిపోతుంది. వృశ్చికం(Scorpio):(విశాఖ 4, అనూరాధ, జ్యేష్ట)నిరుద్యోగులకు ఉద్యోగ యోగం పడుతుంది. ఉద్యోగులకు కూడా మంచి అవకాశాలు అందివస్తాయి. వృత్తి, వ్యాపారాలు లాభాల బాటపడతాయి. ముఖ్యమైన వ్యవహారాల్లోఆచితూచి అడు గేయడం మంచిది. ఎవరినీ గుడ్డిగా నమ్మకపోవడం మంచిది. బంధువులతోచికాకులు తలెత్తు తాయి. ఇంటా బయటా అనుకూలతలు పెరుగుతాయి. స్వల్పఅనారోగ్యానికి అవకాశం ఉంది. కుటుంబ సభ్యుల నుంచి సహాయ సహకారం లభిస్తాయి.ఆశించిన శుభవార్తలు అందుతాయి.. ధనుస్సు(Sagittarius): (మూల, పూర్వాషాఢ, ఉత్తరాషాఢ 1)ఉద్యోగంలో పని ఒత్తిడి బాగా తగ్గుతుంది. హోదా మారే సూచనలున్నాయి. వృత్తి,వ్యాపారాల్లో అంచనాలకు మించిన లాభాలు అందుకుంటారు. జీవిత భాగస్వామితోకలిసి దైవ కార్యాల్లో పాల్గొంటారు. ఒక శుభ కార్యంలో బంధుమిత్రులనుకలుసుకుంటారు. ముఖ్యమైన వ్యవహారాలు సునాయాసంగా పూర్తవుతాయి. ఆరోగ్యంచాలావరకు కుదుటపడుతుంది. నిరుద్యోగులకు సొంత ఊర్లోనే ఉద్యోగం లభించేఅవకాశం ఉంది. విదేశాల్లో ఉన్న పిల్లల నుంచి శుభవార్త అందుతుంది.. మకరం (Capricorn):(ఉత్తరాషాఢ 2,3,4, శ్రవణం, ధనిష్ట 1,2) వృత్తి, వ్యాపారాలు నిలకడగా పురోగతి చెందుతాయి. ఉద్యోగంలో పని ఒత్తిడిఉన్నప్పటికీ, ఫలితం ఉంటుంది. పెండింగు పనులను పట్టుదలగా పూర్తి చేస్తారు.పెళ్లి ప్రయత్నం విషయంలో బంధు వుల నుంచి శుభవార్త అందుతుంది. కుటుంబంలోసుఖ సంతోషాలు వెల్లివిరుస్తాయి. జీవిత భాగ స్వామితో కలిసి ఆలయాలుసందర్శిస్తారు. ఆర్థిక సమస్యలున్నా కొందరు బంధువులకు సహా యం చేస్తారు.అనుకోకుండా స్వల్ప అనారోగ్యం ఇబ్బంది పెడుతుంది. ఎవరికీ హామీలు ఉండవద్దు.. కుంభం (Aquarius):(ధనిష్ట 3,4, శతభిషం, పూర్వాభాద్ర 1,2,3) వృత్తి, వ్యాపారాల్లో నష్టాలు కొద్దిగా తగ్గుతాయి. లావాదేవీలు,కార్యకలాపాలు పెరుగుతాయి. ఉద్యో గంలో బరువు బాధ్యతలు పెరిగి, విశ్రాంతికిదూరమవుతారు. ఆదాయ వృద్ధికి అవకాశం ఉంది. జీవిత భాగస్వామితో అన్యోన్యతపెరుగుతుంది. ముఖ్యమైన పనులన్నీ సకాలంలో పూర్తవు తాయి. ఇష్టమైన బంధువులరాకపోకలుంటాయి. కుటుంబ జీవితం అనుకూలంగా సాగిపోతుంది. నిరుద్యోగులకుఉద్యోగం లభిస్తుంది. ఆశించిన పెళ్లి సంబంధం కుదురుతుంది. ఆరోగ్యం బాగానేఉంటుంది.. మీనం(Pisces): (పూర్వాభాద్ర 4, ఉత్తరాభాద్ర, రేవతి) ఎవరితోనూ ఆర్థిక లావాదేవీలు పెట్టుకోకపోవడం మంచిది. డబ్బు ఇవ్వడం,తీసుకోవడానికి సమ యం అనుకూలంగా లేదు. ఆదాయం బాగానే ఉంటుంది కానీ, ఖర్చులుపెరుగుతాయి. వృత్తి, ఉద్యోగాల్లో బాధ్యతలు కొద్దిగా పెరుగుతాయి. ఏవిషయంలోనూ తొందరపాటు నిర్ణయాలు తీసు కోవద్దు. వీలైనంతగా ఆచితూచివ్యవహరించడం మంచిది. వ్యాపారాల్లో లాభాలు పరవాలేదని పిస్తాయి. కొందరుబంధుమిత్రులతో జాగ్రత్తగా ఉండడం మంచిది. ఆరోగ్యం నిలకడగా ఉంటుంది. (Disclaimer: ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలు లేవు.)
2024-07-04T21:15:30Z
30 ఏళ్ల తర్వాత ఎముకలు దృఢంగా ఉండాలంటే.. మహిళలు తినాల్సిన 5 ఆహారాలు ఇవే
ఒక వయసు వచ్చిన తర్వాత మనుషుల ఎముకలు బలహీనంగా మారడం సహజం. ముఖ్యంగా స్త్రీలు తరచుగా ఎముకల సంబంధిత వ్యాధులకు గురవుతారు. 30 ఏళ్లు పైబడిన మహిళలలు అనేక సమస్యలతో సతమతం అవుతారు. (ప్రతీకాత్మక చిత్రం) అందులో ఎముకల బలహీనత కూడా ఒకటి. 30 ఏళ్లు దాటిన తర్వాత కూడా మహిళలు తమ ఎముకలను దృఢంగా ఉంచుకోవాలంటే కొన్ని ఆహారాలను డైలీ తీసుకుంటూ ఉండాలి. ఎముకలు బలంగా ఉండాలంటే కాల్షియం సమృద్ధిగా ఉండే ఆహారం ముఖ్యమైన పాత్ర పోషిస్తుంది. కాల్షియం పుష్కలంగా ఉన్న ఆ 5 ఆహార పదార్థాల గురించి తెలుసుకుందాం (ప్రతీకాత్మక చిత్రం) వెజిటేబుల్స్ : బచ్చలికూర, ఆవాలు, మెంతులు వంటి ఆకుపచ్చ కూరగాయల్లో కాల్షియం ఎక్కువగా ఉంటుంది. కాల్షియంతో పాటు అదనంగా విటమిన్ A, C, Kలు కూడా పుష్కలంగా ఉంటాయి. ఇవి ఎముకల ఆరోగ్యంలో ప్రముఖ పాత్ర పోషిస్తాయి. మీరు వాటిని సలాడ్‌లో తినవచ్చు. లేదా వండుకుని తినొచ్చు. (ప్రతీకాత్మక చిత్రం) పప్పులు, బీన్స్ : పప్పులు, బీన్స్ లో ప్రొటీన్, ఫైబర్, కాల్షియం వంటి పోషకాలు సమృద్ధిగా ఉంటాయి. వీటిని వారంలో కనీసం రెండు మూడు సార్లు తింటే ఎముకలు బలంగా ఉంటాయి. (ప్రతీకాత్మక చిత్రం) నువ్వులు : నువ్వులలో కాల్షియం, మెగ్నీషియం, ఫాస్పరస్, విటమిన్ కె పుష్కలంగా ఉంటాయి. ఇవి ఎముకల ఆరోగ్యానికి మేలు చేస్తాయి. మీరు కర్రీలో నువ్వులను వేసుకుని తినొచ్చు. అయితే ఎక్కువగా నువ్వులు తింటే వేడి చేసే అవకాశం ఉంటుంది. (ప్రతీకాత్మక చిత్రం) పాలు, పాల ఉత్పత్తులు : పాలు, పెరుగు, జున్ను, మజ్జిగలో కాల్షియం ఉంటుంది. వీటిలో విటమిన్ డి కూడా పుష్కలంగా ఉంటుంది. ఇది శరీరం కాల్షియంను గ్రహించడంలో సహాయపడుతుంది. ప్రతిరోజూ మీ ఆహారంలో కనీసం ఒకటి లేదా రెండు పాల ఉత్పత్తులను చేర్చడానికి ప్రయత్నించండి. (ప్రతీకాత్మక చిత్రం) సోయాబీన్ : సోయాబీన్ లో ప్రోటీన్, కాల్షియం పుష్కలంగా ఉంటాయి. ఎముకలు బలంగా ఉండటానికి మీరు తరచూ సోయాబీన్ ను ఆహారంగా తీసుకోవాలి. ముఖ్యంగా 30 ఏళ్లు దాటిన మహిళలు తమ ఎముకలను ఆరోగ్యంగా ఉంచుకోవాలంటే పైన చెప్పిన ఆహారాలను క్రమం తప్పకుండా తీసుకోవాల్సి ఉంటుంది. (ప్రతీకాత్మక చిత్రం)
2024-07-04T13:59:23Z