దోశ ప్యాన్ మాడిపోయిందా.. ఇలా క్లీన్ చేయండి..

దోశ పాన్, నాన్‌స్టిక్ ప్యాన్స్ ఒక్కోసారి మాడిపోతాయి. వాటిని ఎలా క్లీన్ చేసుకోవచ్చో తెలుసుకోండి.

మనం నాన్ స్టిక్ ప్యాన్స్ వాడినప్పుడు, దోశ పాన్, ఐరన్ ప్యాన్ వాడినప్పుడు ఒక్కోసారి అవి మాడిపోతాయి. దానిని క్లీన్ చేసుకోవడం చాలా కష్టంగా ఉంటుంది. అలాంటి వాటిని ఈజీగా ఎలా క్లీన్ చేసుకోవాలో తెలుసుకోండి.బేకింగ్ సోడా..

బేకింగ్ సోడాతో ఈజీగా ప్యాన్స్‌ని క్లీన్ చేసుకోవచ్చు. దీనికోసం ముందుగా బేకింగ్ సోడా 3 స్పూన్ల వరకూ తీసుకుని కొద్దిగా సగం బకెట్ గోరువెచ్చని నీటిలో కలపండి. తర్వాత అందులో పాన్‌ని ముంచి 30 నిమిషాలు ఉండండి. నానిన తర్వాత దీనిని శుభ్రంగా రుద్ది క్లీన్ చేసుకోవచ్చు.

మరోసారి..

కొన్నిసార్లు ఒక్కసారికే మరకలు పోవు. అందుకోసం మరోసారి కూడా ఇప్పట్లానే బేకింగ్ సోడాతో క్లీన్ చేయండి. ఆ తర్వాత ఆరనివ్వండి. ఇలా చేస్తే కచ్చితంగా మరక తగ్గుతుంది.

నిమ్మరసం..

నిమ్మరసంతో కూడా ప్యాన్‌లోని మరకలని ఈజీగా క్లీన్ చేయొచ్చు. దీనికోసం అవసరమైనన్నీ నిమ్మకాయలు తీసుకోండి. వాటిని చిన్న ముక్కలుగా కట్ చేసి ప్యాన్‌లో నీరు పోసి అందులో ఆ ముక్కలు వేసి మరిగించండి. బాగా మరిగిన తర్వాత దీనిని స్క్రబ్బర్‌తో క్లీన్ చేయండి.

డిష్ వాష్ జెల్..

ఇప్పుడు గోరువెచ్చని నీటిలో డిష్ వాష్ జెల్ వేయండి. అందులో ప్యాన్ ఉంచండి. కాసేపు నానిన తర్వాత రుద్దండి. దీని వల్ల కాలిన మరకలు త్వరగా వదిలిపోతాయి. ప్యాన్ కూడా క్లీన్ అవుతుంది.

ఎలా వాడాలి..

ఈ ప్యాన్‌ని మొత్తం క్లీన్ చేశాక శుభ్రంగా ఆరబెట్టుకోవాలి. పూర్తిగా నీరంతా ఆరిపోయిన తర్వాతనే మళ్ళీ వాడాలి. అప్పుడే ప్యాన్ చక్కగా ఉంటుంది. కాబట్టి, ఇలా నాన్‌స్టిక్ ప్యాన్‌ని క్లీన్ చేసుకోండి.