విశాఖలో అద్భుత సన్నివేశం.. ఆషాఢమాసంలో అమ్మవారి మహిమంటున్న భక్తులు

విశాఖపట్నంలో అద్భుతం జరిగింది.. వారాహి అమ్మవారు నీళ్లు తాగుతున్నారంటూ ప్రచారం మొదలైంది. ఆషాఢమాసంలో వారాహి అమ్మవారి అద్భుతం అంటూ స్థానికులు చర్చించుకుంటున్నారు. అందరూ ఆ ఇంటికి క్యూ కట్టారు.. అమ్మవారికి ప్రత్యేక పూజలు నిర్వహిస్తున్నారు. ఆషాడమాసం కావడంతో సింహాద్రిపురంలోని ఓ మహిళ నిత్యం ఇంట్లోనే వారాహి అమ్మవారి విగ్రహం ఏర్పాటు చేసుకుని ప్రత్యేక పూజలు నిర్వహిస్తున్నారు.

మహిళ వారాహి అమ్మవారికి నీళ్లు పట్టించగా తాగేశారు.. దీంతో ఆ కుటుంబం ఆశ్చర్యపోయింది. ఈ విషయం ఆ నోటా ఈ నోటా అందరికి తెలియంతో.. ఈ వింతను చేసేందుకు మహిళ ఇంటికి క్యూ కట్టారు. ఆషాఢమాసంలో అమ్మవారు మహిమతోనే ఇలా జరిగిందని.. ఇది అద్భుతం అంటూ చర్చించుకుంటున్నారు. పలువురు మహిళలు అమ్మవారికి ప్రత్యేక పూజలు నిర్వహించి.. అమ్మవారికి నీరు తాగించారు. ఈ వీడియో సోషల్ మీడియాలో బాగా వైరల్ అవుతోంది. అమ్మవారు నీళ్లు తాడగాన్ని చూసి నెటిజన్లు షాకవుతున్నారు.

రాష్ట్రవ్యాప్తంగా ఆషాఢమాసం సందర్భంగా ప్రత్యేక పూజలు

మరోవైపు రాష్ట్రవ్యాప్తంగా ఆషాఢమాసం సందర్భంగా ఆలయాల్లో ప్రత్యేక పూజలు నిర్వహిస్తున్నారు. డాక్టర్ బీఆర్ అంబేద్కర్ కోనసీమ జిల్లా అమలాపురం రూరల్ పరిధి నల్లమిల్లిలోని సత్తెమ్మతల్లిని ఆషాఢ మాసం సందర్భంగా అరటి పండ్లతో ప్రత్యేకంగా అలంకరించారు. ఈ అలంకరణ విశేషంగా ఆకట్టుకోగా.. అమ్మవారిని భక్తులు దర్శించుకుని ప్రత్యేక పూజలు నిర్వహించారు.

శ్రీశైల మహాక్షేత్రంలో భ్రమరాంబాదేవికి ఊయలసేవను వైభవంగా నిర్వహించారు. ఆలయ ప్రాంగణంలో విశేష పుష్పాలతో అలంకరించిన ఊయలపై స్వామిఅమ్మవార్ల ఉత్సవమూర్తులను కొలువుదీర్చారు అర్చుకులు. . ప్రత్యేకంగా షోడశోపచార పూజలు నిర్వహించారు. అలాగే భ్రమరాంబాదేవికి అష్టోత్తరం, త్రిశతి, ఖడ్గమాల, సహస్ర నామపూజలు, స్వామివారికి సహస్త్రనామార్చనలు జరిపి మంగళహారతులు ఇచ్చారు. అమ్మవారి పూజల్లో ఈవో పెద్దిరాజు దంపతులు, అర్చకులు, భక్తులు పాల్గొన్నారు. మరోవైపు విజయవాడ దుర్గమ్మ దర్శనానికి భక్తులు భారీగా తరలివస్తున్నారు.. ఆషాఢమాసం కావడంతో అమ్మవారిని దర్శించుకునేందుకు ఇంద్రీకీలాద్రికి నిత్యం వేలాదిమంది వస్తున్నారు. ముఖ్యంగా శని, ఆదివారాల్లో ఈ రద్దీ ఎక్కువగా ఉంటుంది. భక్తులకు ఎలాంటి ఇబ్బందులు లేకుండా అధికారులు అన్ని ఏర్పాట్లు చేశారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-07-13T06:26:39Z dg43tfdfdgfd